ತಿರುವಿಹಾಕು | ಸಹಾಯ(help)

ಇಂಗ್ಲಿಷ್ ಕೀಲಿಮಣೆ ಕನ್ನಡ ಕೀಲಿಮಣೆ ಎಲ್ಲೆಡೆ ಹುಡುಕು
ಉದಾ:   ಅಭಿಜ್ಞಾನ   ಅಭಿ%   %ಜ್ಞಾನ   house%card%
ಜಿ.ವಿ. ಕನ್ನಡ ಜಿ.ವಿ. ಇಂಗ್ಲಿಷ್ ಶಂಕರ ಭಟ್ ನಿಮ್ಮದೇ ನಿಘಂಟು ದಾಸ ಸಾಹಿತ್ಯ ಪಪಕಪ ಬುಕ್ಕಾಂಬುಧಿ

ಪ್ರೊ. ಜಿ. ವೆಂಕಟಸುಬ್ಬಯ್ಯ ಕನ್ನಡ-ಕನ್ನಡ ನಿಘಂಟು

    ಗುಂಡಾಲ ಹೆಸರುಪದ

      (<ದೇ. ಗುಂಡು) ಬಾಯಿ ಅಗಲವಾದ ದುಂಡಾದ ಪಾತ್ರೆ

    ಗುಂಡಿ ಹೆಸರುಪದ

      (ದೇ) ೧ ಗುಂಡಾಗಿರುವ ದೊಡ್ಡದಾದ ಪಾತ್ರೆ ೨ ಬಿಲ, ಡೊಗರು, ಗುಣಿ ೩ ಬಿರಡೆ, ಗುಬ್ಬಿ ೪ ಯಂತ್ರ ಮೊ.ವನ್ನು ನಡೆಸಲು ಒತ್ತುವ ಗುಬುಟು ೫ (ಆಲಂ) ದುಷ್ಟೆ, ನೀಚ ಸ್ತ್ರೀ

    ಗುಂಡಿಗೆ ಹೆಸರುಪದ

      (<ಸಂ. ಕುಂಡಿಕಾ) ನೀರಿನ ಪಾತ್ರೆ; (ದೇ) ೧ ಎದೆ, ಹೃದಯ ೨ ಧೈರ್ಯ

    ಗುಂಡು ಹೆಸರುಪದ

      (ದೇ) ೧ ಗುಂಡುಕಲ್ಲು ೨ ತುಪಾಕಿಯ ಗೋಲಿ ೩ ಸರಕ್ಕೆ ಹಾಕಿಕೊಳ್ಳುವ ಗೋಳಾಕಾರದ ಚಿನ್ನದ ಮಣಿ ೪ ಗುಂಪು, ಸಮೂಹ ೫ (ಆಲಂ) ಮದ್ಯ, ಶೆರೆ

    ಗುಂಡುಕೋ(ಗೋ)ವಿ ಹೆಸರುಪದ

      (ಆಲಂ) ಯಾವ ಕಟ್ಟು ಪಾಡೂ ಇಲ್ಲದವನು, ಏಕಾಂಗಿ

    ಗುಂಡುಹಾಕು ಎಸಕಪದ

      = (ಆಲಂ) ಮದ್ಯಪಾನ ಮಾಡು

    ಗುಂಪು ಹೆಸರುಪದ

      (ದೇ) ರಾಶಿ, ಸಮೂಹ

    ಗುಂಪುಕಟ್ಟು ಎಸಕಪದ

      ಒಳಗಿಂದೊಳಗೇ ಪಂಗಡ ಕಟ್ಟು

    ಗುಂಫ ಹೆಸರುಪದ

      (ಸಂ) ಜೋಡಣೆ, ರಚನೆ

    ಗುಂಬ(ಭ) ಹೆಸರುಪದ

      (?) ೧ ವಾಹನಗಳ ಚಕ್ರದ ನಡುವಿನ ಗಡ್ಡೆ ೨ ಗುಟ್ಟು, ರಹಸ್ಯ

    ಗುಂಬಜು ಹೆಸರುಪದ

      (<ಪಾರ. ಗುಂಬದ್) ಅರ್ಧಗೋಳಾ ಕಾರದ ಗೋಪುರದಂತಹ ರಚನೆ

    ಗುಕ್ಕ ಹೆಸರುಪದ

      (ದೇ) ಉಗ್ಗುತ್ತಾ ಮಾತನಾಡುವವನು

    ಗುಕ್ಕು ಹೆಸರುಪದ

      (ದೇ) ೧ ತುತ್ತು ೨ ಹಂಗು ೩ ಎದೆಯ ಬಡಿತ

    ಗುಗ್ಗ(ಗ್ಗು)ರಿ ಹೆಸರುಪದ

      (ದೇ) ಕಾಳುಗಳನ್ನು ಬೇಯಿಸಿ, ಒಗ್ಗರಿಸಿ ತಯಾರಿಸುವ ಒಂದು ಬಗೆಯ ತಿನಿಸು

    ಗುಗ್ಗು ಹೆಸರುಪದ

      (<ಹಿಂ. ಘುಗ್ಘೂ) ದಡ್ಡ, ಗಾವಿಲ, ಎಗ್ಗ

    ಗುಗ್ಗುಲ(ಳ) ಹೆಸರುಪದ

      (ಸಂ) ಧೂಪಕ್ಕೆ ಉಪಯೋಗಿಸುವ ಒಂದು ಬಗೆಯ ಅಂಟು, ಲೋಬಾನ

    ಗುಗ್ಗೆ ಹೆಸರುಪದ

      (ದೇ) ಕಿವಿಯೊಳಗಿನ ಮಲ

    ಗುಚ್ಛ ಹೆಸರುಪದ

      (ಸಂ) ೧ ಗೊಂಚಲು, ಕುಚ್ಚು ೨ ಪೊದೆ ೩ ಮೂವತ್ತೆರಡು ಯಾ ಎಪ್ಪತ್ತು ಎಳೆಗಳುಳ್ಳ ಮುತ್ತಿನ ಹಾರ

    ಗುಜರಿ ಹೆಸರುಪದ

      (<ಪಾರ. ಹಿಂ. ಮರಾ. ಗುಜರೀ) ೧ ಸಂಜೆ ವೇಳೆಯಲ್ಲಿ ವ್ಯಾಪಾರ ಮಾಡುವ ಅಂಗಡಿ ೨ ಚಿಕ್ಕ ವ್ಯಾಪಾರ, ಚಿಲ್ಲರೆ ವ್ಯಾಪಾರ ೩ ಹಳೆಯ ಸಾಮಾನುಗಳನ್ನು ಮಾರುವ ಸ್ಥಳ

    ಗುಜ್ಜು ಹೆಸರುಪದ

      (ದೇ) ೧ ಕುಳ್ಳಾಗಿರುವಿಕೆ, ಗಿಡ್ಡಾಗಿರುವಿಕೆ ೨ ಕುಳ್ಳ, ಗಿಡ್ಡ ೩ ಮೋಟು ಕಂಬ

ಈ ತಿಂಗಳ ನಿಘಂಟು ಬಳಕೆ : 15998